didto sa among dapit

alas tres sa kabuntagon
human sa usa ug tunga ka buwan
nga mi-hanting ug tuna
dili na jud ni intawon mapunggan
ngano man diay
lalim ba ang usa ug tunga ka buwan
nga wala jud ko nakabatyag
ug maingon natong
panagsahong kalami
kanang kamao na gud ka
ayaw na’g paka-arun-ingnon
kamao man kong ing-ana sad
ang imohang ginagukod

pastilan!

ali na ba.
adto na ta og Tambler
aniadto ang mga pirting gwapahang
mga bayhanang
murag
mga birhen ang nawong.
ayaw ko og ingna nga muhuwat pa ka
pag-abot og Glan.
gi-atay ka bay.
unsa mahurot lang jud na imohang
kwarta,
tingalig dili na ka makatiliw niani.